Trajneri Pep Guardiola ka dal kundër trajnerit të Gjermanisë , LOW duke thënë se ky i fundit ka bërë gabim të madh që nuk e ka aktivizuar me Kombëtaren, Leroy Sane.

Guardiola ka vijuar më pas duke thënë se Sane duhet të harrojë zhgënjimin e mosgrumbullimit me kombëtaren dhe kjo duhet ta karikojë edhe më shumë lojtarin, ta bëjë atë më të fortë në të ardhmen.

“Leroy duhet të pranojë se ky vendim i Loë do ta bëjë atë më të fortë, si njeri dhe si lojtar. Është ende shumë i ri, pas dy vitesh është radha e Europianit dhe pas 4 vitesh Botërori tjetër, ndaj ka kohë për të treguar në kombëtare vlerat e tij”, tha Guardiola.

“Botërori tashmë i përket së shkuarës, ndaj Leroy tani duhet të mendojë për sezonin e ri, të tregojë se është një kampion. Ai ka shansin që me City të tregojë se Loë bëri një gabim që e la jashtë kombëtares. Unë jam i sigurt se do të jetë sërish një lojtar fantastik në fushë, duhet të përpiqet shumë dhe të ruajë nivelin që tregoi vitin e kaluar. Unë jam i lumtur që e kam sërish këtu”, tha Guardiola.

Sane luajti 15 minuta në ndeshjen e International Champions Cup në takimin e humbur ndaj Borussia, por mesfushori gjerman ka vetëm dy ditë që i është bashkuar skuadrës së City. /albeu.com/